Etiquetas

domingo, 17 de febrero de 2013

Redi

Ena atardecía jundeu la mi redi de cuerpus d’árbulis,
p’arretenel un intri al Sol
enantis de qu’ajuya… jasta l’amanecía.


photo by antòniu


viernes, 15 de febrero de 2013

Ñíu cigüeñas ena amanecía

Ena amanecía.
Inyetalmi, enas pupilas
una dosi de Sol
con alas de cigüeña…
en flipandu
a corazón abiertu
con latíus
de Mairi Tierra

photo by antòniu


photo by antòniu



jueves, 14 de febrero de 2013

Árbul

Agilu po-los territorius de la gelmandá ‘el bosqui. Agilu percebiendu entri la nébula las feguras majestuosas de los árbulis esnúus, percatándumi de la singularidá de ca un.
Ca árbul presenta un porti determináu, una distribución concreta ‘el su ramaji, un grosol y una jechura definía ‘el su troncu… un miranti, una altura.
Ca árbul tieni la su propia presencia y esencia.
Ca individu eja entrevel la su propia idiosincrasia… y nu puéu evital vel paralelismu conos seris humanus.
… sintilmi, afortunámenti, una mijirrinina árbul.











photo by antòniu

miércoles, 6 de febrero de 2013


Acariciandu la silueta ‘el Sol
con deus de ḍagalinu
y corazón d’árbul… 
photo by antòniu

lunes, 4 de febrero de 2013

La dama de la nievi

La dama de la nievi vinu jaḍi aguninus días po-la montaña, desparciendu con la su barina mágica miejón brancu. La nuestra casa, el bosqui, los pláus… toínu uníu pol el brancu.
Mesmamenti los nuestrus perrinus, de pelaji supuestamenti albu, escurecin ante el destellu de la nievi... mesmamenti la lechi que lambin n’el su pratu.
Jagu con los ḍagalis un muñecu nievi, imus en trineu… enantis  qu’el abrazu ‘el pairi Sol julmini la juéyiga d’esencia branca de la dama de la nievi.






photo by antòniu